DESPEDIDA

Chegamos ao final deste curso, sen dúbida un curso moi extraño. Dentro duns aniños estudiaredes nos vosos libros de historia esta epidemia e recordaredes que foi o voso primeiro ano no cole dos maiores.
Fixéstelo xenial durante todo este tempo, tanto vós como as vosas familias, por iso, quería dedicarvos un pequeno vídeo de despedida que espero que vos guste moito e que vos quede para o recordo.
Un bico grandísimo! Vouvos botar moito moito de menos💖

CUMPLES XUÑO

Rematamos o ciclo dos cumples este curso cos 4 aniños de Izía e Aroa. PARABÉNS!

APADRIÑAMENTO FOFITO

Dende a aula de 4ºB de Educación Infantil, tras a visita de Cali, o gatiño de Augusto, e a súa historia fíxonos pensar en como podíamos axudar nós aos animais abandonados, e tendo en conta que no cole, non podemos ter animais e coidalos como se merecen, buscamos outra solución:  APADRIÑAMOS A FOFITO, por cuestión da alerta sanitaria non puidemos ir de visita nin darlle mimos e cariño ao noso afillado.
A nosa principal misión, era a de conseguir unha casiña para el, coa gran sorte de que hai uns días nos escribiron para contarnos que FOFITO ESTABA ADOPTADO!!

Animádesvos a apadriñar algún canciño da protectora e axudarlles ás/aos voluntarias/os a buscarlle familia?
Asociación Protectora de Animais e Plantas de Lugo

CONTOS DÍA DO LIBRO

Con motivo do día do libro, iniciamos unha actividade para crear entre todos/as un conto viaxeiro. Ao final fixemos catro contos para que non se alongaran demasiado as historias, empregando as imaxes que nos saíron nos dados de historias.

O resultado foi moi divertido, espero que no proceso tamén e desfrutasedes tanto como o fixen eu.

Estes foron os diferentes resultados!

Espero que vos gusten!

HUGO PUENTE E ÓSCAR FAN UN MINI-CONTO EMPREGANDO AS IMAXES DOS DADOS DE HISTORIAS

Todos os demais contos  teñen o mesmo comezo, a partir do inicio, seguindo as mesmas indicacións, cada un continua o conto onde o deixou o anterior e empregando as imaxes que nos saíron nos dados de historias ao longo dos contos.

ESTE É O RESULTADO DO PRIMEIRO CONTO



ASÍ QUEDOU O SEGUNDO CONTO...




O ÚLTIMO CONTO QUEDOUNOS MÁIS CURTIÑO PERO NON POR ISO MENOS BONITO





POR ÚLTIMO AGRADECER A PARTICIPACIÓN DE TODAS AS FAMILIAS, XA QUE SEN A VOSA COLABORACIÓN NON SERÍA POSIBLE A ACTIVIDADE :)

GRAZAS

CUMPRES MAIO

En maio Alicia, Vega e Sofía cumpren 4 aniños. PARABÉNS!

DÍA DA FAMILIA

Hoxe é o día da familia, quería aproveitar para felicitarvos a todos e todas pola gran labor que estades a facer nas vosas casas cos nenos e nenas nunha situación tan excepcional.
De non ser pola vosa colaboración e esforzo, todas as actividades e proxectos que vos propoñemos non serían posibles; por iso: GRAZAS, sodes unhas familias excepcionais!!
Por sorte, existen gran variedade de familias e aquí temos unha mostra de todas elas, a continuación déixovos o vídeo que elaboramos para conmemorar este día coas fotos que nos fostes mandando, espero que vos guste :)




Propóñovos unha actividade para que pasedes un anaco en familia, e así vos quede un recordo deste día, xa que este ano vai ser un día da familia moi peculiar polas circunstancias que estamos a vivir.

QUE PRECISAMOS?

1tarro de cristal
xices de cores
sal

COMO O FACEMOS?

Pintamos con xiz o sal, imos enchendo o bote, procurando que non coincidan as cores e con coidado para que non se mesturen. Podedes empregar as cores favoritas de cada un dos membros da familia. Seguro que vos queda un recordo precioso. Así quedou o noso!

Por último, déixovos unha receta moi especial.

ESPERO QUE DISFRUTEDES MOITO DAS FAMILIAS TAN EXCEPCIONAIS COAS QUE CONTADES!
Un bico moi grande :)

CUMPLE ABRIL

Hoxe toca felicitar a Roi que cumpreu os 4 aniños!! PARABÉNS

Día do Libro

Hoxe é un día moi especial!!

O Día do Libro!

Xa sabedes que me encantan os contos, asique aquí vos deixo un con moitooooo cariño!!

Sam McBratney, ilustrado por Anita Jeran, Editorial Kókinos 2013: Adivina Cuánto Te Quiero.




Déixovos tamén unhas adiviñas... Son unhas páxinas de contos que nos gustaban moito no cole, a ver quen adiviña de que contos se tratan?

O moucho aburrido

Déixovos un conto sobre algúns animais nocturnos que vimos na clase. Espero que vos guste!

VÉMONOS PRONTO!

Cumple Marzo

Dende a casiña, felicito o cumple de Hugo Puente, con ganas de poder celebralo prontiño todos/as xuntiños!

Nós tamén contamos

Á nosa profe encántanlle os contos, e estanos transmitindo o gusto pola lectura. Aínda que non saibamos ler, podemos contar os nosos contos seguindo as imaxes. Dásenos moi ben!

Semana da Prensa

Esta semana celebramos no cole a semana da prensa. En Educación Infantil fixémonos eco de diferentes animais que están en perigo de extinción e deixamos a nosa pegada para que non chegue o día no que teñamos que lamentar a desaparición dalgunha das súas. Na nosa clase centrámonos no koala.

Traballamos con diferentes noticias e vimos as partes que atopamos en cada unha delas.

Despois empregamos recortes de periódico para facer o noso koaliña, quedounos moi bonito!

Día Internacional da Muller

Para conmemorar o Día Internacional da Muller, fixemos un pequeno mural de mulleres escritoras da nosa historia en Educación Infantil, a nós tocounos María Mariño, e así nos quedou:

Coa colaboración das familias, creamos un mural das mulleres importantes para nós, e tamén vimos os vídeos que nos mandastes para falarnos do voso día a día.

Visita de Cali

Visitounos na nosa aula Cali, acompañado de Augusto, a súa mamá, o seu papá e o seu hermanito para contarnos a súa historia.












Cali é un gatiño que apareceu no xardín da familia de Augusto, estaba ferido, tiña unha pupa moi grande no rabo, polo que o levaron ao veterinario para que o curara.
Finalmente tiveron que cortalle o rabo pero puido salvarse, e a familia de Augusto adoptouno e coidao moito.

Trouxéronnos un montón de fotos para que vísemos as cousas que máis lle gustan, como acompañar a Augusto ao autobús e xogar con el.

Son un exemplo a seguir! Polo que se gañaron con creces o noso diploma de especialistas en animais domésticos!

MOITAS GRAZAS POR CONTARNOS A VOSA EXPERIENCIA!

Día do amor e da amizade

En Educación Infantil, as mestras Lore e María Andina, contáronnos o conto de Prohibida la Entrada a los Elefantes empregando a mesa de luz. Encantounos a experiencia, e nós fixemos a porta para permitir a entada a todo o mundo, xa que neste cole TODOS SOMOS BENVIDOS!

Entroido

No Entroido, estivemos toda a semana a argallar. Seguimos os mandatos do MECO e puxémonos así de guapos/as:

Finalmente disfrazámonos de mapaches, representando o conto de Un bico na túa man que deu comezo ao proxecto. Sendo a profe o moucho que é tamén o profe de Chéster. Desfilamos e cantamos a canción que tanto ensaiamos.

Visita de Pepiño

Nesta ocasión visítanos a avoa de Izía, cun invitado moi especial. Pepiño é a mascota de Izía, un paxariño moi cantarín e xoguetón. 

Falamos dos seus coidados, a súa alimentación. O que máis lle gusta é xogar coa campá que ten na súa xauliña, así como co dedo de Izía.

As mascotas son moi importantes para os nenos e nenas da nosa aula, polo que estivemos moi atentos a todo o que nos contaron sobre Pepiño.

Con todo o que aprendemos, Chéster (a nosa mascota) e os nenos e nenas de 4ºB de Educación Infantil, cremos que se merecen o noso diploma de expertos!

 Moitas grazas por compartir con nós a forma na que coidades a Pepiño.
Esperamos a próxima visita!

cumple xaneiro

Chega o último venres de mes e, nesta ocasión, achegándonos ao Entroido, tócanos celebrar un cumple diferente.
Carla trouxolle aos seus compañeiros unhas máscaras de animais e pasámolo pipa!

Día da paz

O 30 de xaneiro conmemoramos o día da non violencia e da paz, para conmemoralo no cole decoramos os nosos patios, creando unhas árbores que lle dan vida. Para decoralos, nesta ocasió, dende a casa aportástedes os vosos corazóns que os nenos e nenas colocaron con ilusión.

Traballamos co conto de Elmer, e seguimos coa decoración do patio para darlle vida, cada clase pintou os cadros que lle correspondían, e quedounos así de bonito.